S Ö Z A L T I

28 may 1997 b.dortmund - yuventus matçı | idman

1996-97 Uefa çempionlar liqasının finalı. Hazır dortmund da finala çıxmışkən yad ediləsi oyunlardan biridi. Bura qədər 1995 və 1996 bundesliqa çempionu olan Dortmund o sezon b qrupunda 6 oyuna 4 qələbə, Polşanın widzew lodz klubu ilə 2-2 heç-heçə və evdə atleticoya 1-2 hesabla məğlub olaraq 13 xal və averajla Atletico Madridin gerisində 2-ci olmuşdu. Juventus isə c qrupunda 5 qələbə və səfərdə Rapid wienlə 1-1 qalaraq 1-ci olmuşdu. Yeri gəlmişkən, fənərbağçanın Manchester unitedi elvir boliçin qoluyla 1-0 məğlub etdiyi həmin o məşhur oyun da bu qrupda baş vermişdi. Bununla da Unitedin Avrokubok oyunlarında Old Trafforddakı 40 illik məğlubiyyətsizlik seriyası başa çatmışdı.
4/1-də dortmund 1996-cı ilin Fransa çempionu və öz qrupunu 1-ci bitirən Auxerre-i rahatlıqla 3-1 və 0-1 hesabı ilə keçir. Yuventus da nisbətən rahat rəqib olan norveçin rosenborg klubunu 1-1 və 2-0 la keçir. ( deyirəm dönəmin çempionatlarına baxe. İndi nəinki Rosenborgu və Auxerre-i hətta o dövrün güclü Hollandiya klublarını da 8/1-də görmək çətin məsələdi. Türklər demiş makas çox açılıb.) yarımfinalda borussiya Manchester unitedi hər iki oyunda da 1-0 məğlub edir. Maraqlıdı ki, bu matçlar 2024 sezonunun psg ilə olan oyunlarının kopyasıdı. Juventus 1996-cı ilin finalında qalib gəldiyi Ajaxı 1-2 və 4-1 hesabı ilə darmadağın edir. Bu arada Ajax da 1994-95 çempionlar liqası çempionu idi. İzlədiyim ən yaxşı Ajax komandalarından biri idi. Milanı həm öz qruplarında 2 dəfə, həm də finalda keçmişdilər. Z kuşağı nə var bunda? Milan onsuzda zəifdi desə də, söhbət əfsanə milandan gedir.
Və 28 may 1997. Bavariyanın keçmiş evi Münhen olimpiya stadionu. Möllerin, kohlerin, riedlenin, chapuisatın və baş məşqçi ottmar hitzfeldin dortmundu deşamın, zidanın, vierinin, Del pieronun və əfsanəvi baş məşqçi, bundan 9 il sonra İtaliya milli komandasına dünya çempionluğu qazandıran marçello lippinin yuventusuna qarşı. Əlbəttə ki, keçən ilin çempionu Yuventus favorit idi. Amma 29-cu və 34-cü dəqiqədə euro 1996-da ingiltərənin xəyallarını puç edən Karl heinz riedle səhnəyə çıxdı. Yuventus şok olmuşdu. 1-ci dövrə belə bitdi. 2-ci dövrədə isə nələr oldu nələr. Zidanın dirəkdən dönən topu, vierinin əl ucbatından sayılmayan qolu və del pieronun əla daban qolu. Hesab 2-1 olmuşdu. Amma 70-ci dəqiqədə Chapuisatın əvəzinə meydana daxil olan və bütün karyerasını yalnız Borussiya dortmunda fəda edən Lars Ricken abimiz oyuna girdi. Və girəndən 16 saniyə sonra çempionlar liqası finallarının bəlkə də ən yaxşı qolunu vurdu. Yuventusun qapıçısı peruzzi çox öndə dayanırdı oyunlarda. Bunu görən möller pası Rickenə verir və Ricken xarüqə yaradır. 20 dəqiqə sonra isə oyun bitir. Və dortmund tarixinin ilk çl finalında qalib olur. Haşiyəyə çıxım: 2013-də bavariyaya uduzan dortmund da pis komanda deyildi. Sadəcə bəxtləri gətirmədi. Bu il isə Real madridlə işləri çox çətin olacaq. Çempionluq xəyaldır. 27 il öncə də xəyal idi amma bacardılar. Görək bu il necə olacaq.

Əfsanəvi fosforlu sarı forması ilə Dortmund komandası


Həmin o məşhur vuruş



Seremoniya





Bu da türkçə icmal

https://www.dailymotion.com/video/x60fuiv

tissot prx | texnologiya

Son illərin ən "xod" gedən qol saatı. Ölkəmiz standartları üçün baha olsa da 1000 dollardan ucuz olduğu üçün birinci dünya ölkələrində "affordable" seqmentinə daxil olur.


Tissot, saatın dizaynının 70-ci illərdə satdığı tissot seastar modelindən götürüldüyünü deyir.

Amma həmin seastar modelinin dizaynının da Audemars Piguet royal oak-dan ilhamlandığını hər kəs yaxşı bilir.

Saatın bilərziyi royal oak-da olduğu kimi inteqrasiya olunmuş bilərzikdi. Yəni bilərziyin saatın gövdəsinə birləşən birinci parçası gövdəyə inteqrasiya olununub və tam qatlanmır.

Elə bu səbəbdən də saatın ayaqdan-ayağa (lug to lug) uzunluğu xeyli böyükdü. Belə olan halda qol ölçünüz incədisə saatın bilərziyi qolunuzdan kənara "daşır".

Normalda 42-43 mmlik saatları rahatlıqla taxan mənim belə biləyimdə 40 mmlik versiyası böyük görünürdü. Ona görə alarkən taxıb yoxlamaq lazımdı.
Kvars versiyada sferblat sadə dizayndadı. Xəfif sunburst effekti var.

Mexaniki versiyada isə vafli dizaynına sahibdi

Saatla bağlı ən böyük müzakirə mövsuzu içindəki mexanizmdir. Powermatic 80 mexanizmi 80 saat enerji rezervi versə də mexanizmin bəzi detallarının plastik olması fikir ayrılığına səbəb olub. Bəziləri plastik detalların metal detallar kimi bir-birinə sürtünərkən yeyilmədiyini və buna görə uzunömürlü olduğunu deyir. Bəziləri də plastik detalların aztapılan olduğu üçün saatın təmirinin çox çətin olduğunu deyir.
Saatın populyar olmasına görə tonla fərqli rəngi və versiyası mövcuddu.
35 və 40 mm-lik kvars versiya

35 və 40 mm-lik mexaniki versiya

42 mm-lik mexaniki xronoqraf versiya


Və ən bərbad versiya olan digital versiya


Alternativi üçün (baxma: citizen tsuyosa)

ray ban | sağlamlıq

1936-cı ildə qurulmuş olub 1999-cu ildən etibarən luxottica'nın tərkibinə alınan, Verdiyin pulun son qəpiyinə kimi layiq olan,
aviator wayfarer və clubmaster seriaları ilə məşhurlaşmış amerika mərkəzli eynək şirkəti. bütün təbəqələrdən olan insanlarçün əlçatan olan azsaylı brendlərdən biridir. Bir milyarderin də gözündə görmək mümkündür, orta gəlirli insanın da.

Materialının premiumluğunu əlinə aldığın andaca hiss edilir. möhkəm, dözümlü olmasına baxmayaraq yüngül və keyfiyyətli materialdan olması sayəsində burunun üstündə gözəçarpan izlər qoymur və eynək taxdığını belə unutdurur adama. Lensləri modeldən asılı olaraq polikarbonat və ya mineral şüşədir. Onsuz da yetəri qədər pul verilir deyə, məncə, bir azca artıq ödəyib mineral şüşə olanı almaq daha məntiqlidir.

Almaq istəyənlər üçün texniki 1-2 detala deyinim. Yəqin ki, eynək taxan hər kəs "50/22/150" tipli yazıların çərçivə ölçüsü, burun hissənin genişliyi və sap uzunluğunu bildirdiyindən agahdır. Deyildisə də, artıq öyrənmiş oldu. ray-ban Modellərinə göz atarkən əlavə olaraq, əksər hallarda "g15" yazısını görmək mümkündür. G15 ray-ban'in 1937-dən bu yana istehsal etdiyi ən əsas şüşəsidir. G15-lə bərabər "b15" yazısını da görmək mümkündür. Bu kodlar şüşənin kodlarıdır. "g" hərfi "green", "b" hərfi "brown" sözündən gəlir, şüşənin rəngini bildirir. "15" rəqəmi isə lenslərin filter göstəricisidir. işığın 85%-ni bloklayıb 15%-ni buraxdığını göstərir. Təbii ki, bunlar standart (yəni sadəcə uv qorumalı) lenslərə aiddir, polarizə lenslərdə durum dəyişir.

Polarizənin də nə olduğunu bilməyənlər üçün qısaca izah edim. Polarizə qat gözün yorulmaması və daha aydın görüş üçün istifadə olunur. Ən əsas özəlliyi rəngləri daha kontrastlı, daha canlı verməsi və ən əsası da, yansımaları önləməsidir.

Yansıma deyərkən işığın qışda qarın, buzun, yayda asfaltın, maşınların, suyun üzərində yaratdığı bütün növ üfüqi olan parıltıları nəzərdə tutulur. Düzü, yuxarıdakı şəkildə bir az şişirdilib, ancaq məntiqi başa düşmək üçün yetərlidir. Bu arada, diqqət etdinizsə, bir əvvəlki cümlədə "üfüqi" sözünə xüsusi vurğu etdim. Çünki şaquli olan(məsələn, yandan və ya binaların şüşələrindən gələn) parıltıları önləmir. Əslində, polarizənin niyə belə işlədiyinin məntiqini mən də tam dəqiq bilmirəm* biri çıxıb bu barədə entri yazsa, əla olardı . Ancaq müqayisə olaraq fotoqrafiyadan anlayışlı şəxslərə polarizə lens filterləri üzərindən başa sala bilərəm. İstifadə edənlər bilir ki, bu filterlər lensin önünə taxılanda təkər kimi 360 dərəcə döndürmək olur. Duruma uyğun olaraq onu fırladıb fotosu çəkiləcək yeri polarizə edirik. Lakin gün eynəklərində şüşənin üzərinə əlavə vasitə taxılmayıb birbaşa olaraq şüşənin özünə çəkildiyindən sadəcə müəyyən limitli bir bucaq altında olan parıltıları önləyir. işığı yansıdan və gözü yoracaq olan parıltılar əksər hallarda qar, buz, qızmar günəş altındakı asfalt, maşınların və suların səthləridir, hansılar ki, yerə üfüqi şəkildə paraleldir, ona görə də eynəklərdə şaquli yox, üfüqi işığın qarşısını alacaq formada polarizə qat çəkilir. * nəsə elə bil çox qəliz oldu

Bir ray-ban Eynəyi seçərkən onun polarizə olub-olmamasını anlamaq isə çox bəsitdir. Bütün Ray-ban eynəklərinin sağ (öndən baxanda sol) şüşəsinin küncündə marka adı kimi "ray-ban" yazısı olur. Əgər eynək polarizədirsə, marka adının yanına bir də "p" hərfi qeyd olunur

və şüşənin üstündə standart olaraq "g-15" stikeri deyil də, "polarized" yazılı sticker olur.

Eyni zamanda kodlama olaraq da eynəyin sol sapının içərisində ən sonda rəqəm və "p" hərfi ilə işarələnir. Misalçün öz eynəyimdəki kod:

Eynəyin qutusunun içərisində çıxan təlimatda sapdakı son 2 rəqəm və hərfin eynəyin günəş radiasiyasına qarşı nə dərəcədə qorunma təmin etdiyini bildirdiyi qeyd oıunub:
0 - çox zəif
1 - zəif
2 - orta
3 - yüksək
4 - çox yüksək
"n" hərfi "normal", "p" hərfi də dediyimiz kimi "polarized" anlamına gəlir.

Reddit'dən tutmuş quora'ya, ordan da üzü türk forumlarına qədər saysız-hesabsız başlıq açılaraq soruşulan, hətta bakıdakı rəsmi satış yerlərində belə cavabı tam əminliklə verilə bilməyən bir suala tam rəsmi bir cavab vermiş olum. Məsələ belədir ki, insanlar eynək alarkən "uv400 yoxsa polarized?" seçiminə düşürlər. Hər zaman da sual yaranır ki, "görəsən, polarizə eynəklər həm də uv400-dür?". Özüm keçən ay araşdırma edəndə dəqiq cavab tapmadığım üçün şirkətin amerikadakı müştəri xidmətlərinə mail yazdım. Sağ olsunlar, gün ərzində də cavabladılar və buradan elan edirəm mən də -*
"bütün ray-ban eynəklər uv400 qorumalı şüşəyə sahibdir. mavi işığın böyük çoxluğunu, uv-a və uv-b kimi zərərli şüaların isə 100%-nin qarşısını alırlar. yəni polarizə olan ray-ban'lar həm də uv400-dür. Lakin özlərinin qeyd etdiyi bir əmmanı da deyim. Polarizə olan ray-ban eynəklər g-15 (və ya b-15) kodlu şüşəyə sahib olduqları deyilsə də, "texniki olaraq" 15 sayılmırlar. Çünki mail'də qeyd olunmuşdu ki polarizə olduğundan bu şüşə normal işığın 89%-ni bloklayır və 11%-ni keçirir. Bu da "texniki olaraq" şüşənin g-15 deyil də g-11 olmasına gətirib çıxarır.

Son olaraq, ümumən gün eynəyi almaq istəyənlərə eynəksiz gəzəndə gözləri sulanan biri kimi mənim tövsiyəm o olardı ki, mütləq şəkildə polarizə olan eynək alsınlar* polarizə ray-ban üçün əlavə 50$ ödəməlisiniz . Xüsusilə də maşın sürənlər, uzun yola çıxanlar üçün həyat qurtaran şeydir polarizə eynək. Çünki mən özüm sadəcə uv400 olan eynək taxanda davamlı şəkildə "eynəyin də var, niyə gözlərini qıyırsan?" deyirdilər. Bunu istifadə edəndən sonra anladım ki, problem polarizə olmamasında imiş: o yansımalar gözümü qamaşdırırmış. Həmçinin, 200, 300, 500 - hər nə qədərdirsə, pula qıyın, mütləq şəkildə eynək işinin içində olan markaları alın. Ray-ban olmasın, olsun persol, oakley, tom ford, prada və s. Əsas odur güvənilir brend olsun. Həm də ki, yazıda qeyd etdiyim 85-89% işığı bloklamaq məsələsi də gözünüzü qorxuzmasın. İllər Əvvəl 50-60 manatlıq poddelka eynək taxırdım, hansı ki bildiyin adi qara plastik idi, "gün eynəyi" adı altında qaraldırdı hər yeri. Kiminsə axşam vaxtı gün eynəyi taxdığını görəndə də qəribsəyirdim ki, kor kimi heç yeri görmədiyi halda bu niyə gözündən çıxarmayıb? Dünən başıma gələn bir hadisədən sonra indi anlayıram o insanları. Dünən axşam şəhərdə dostumla qarşılaşanda "hava qaralıb, gün eynəyi niyə taxmısan?" deyəndə ayıldım ki, eynəyimi dəyişməmişəm, gözümdə qalıb. İnsan kağız üstündə "89% işığı bloklayır" cümləsini görəndə elə bilir ki, hər yeri zil qaranlıq edəcək. Di gəl ki, digər şəffaf eynəyimdən tək fərqi ətrafı cüzi bir yaşıl filterlə göstərməsidir, hansı ki buna rəğmən əşyaların rənglərində və tonlarında bir qram dəyişiklik yoxdur, necədirlərsə elə də görünürlər. Amma bununla belə günəş və ümumiyyətlə, digər işıqlar insanın gözünü bir qram da yormur* türklər demiş, ohh, dünya varmış. İndi oturub illərdir niyə ağıl edib düz-əməlli bir gün eynəyi almayıb gözlərimə əziyyət vermişəm deyə heyifsilənirəm.

Yekun olaraq, Ortalıqda həddindən çox geydirmə ray-ban var. Əvvəllər original ilə fake arasındakı fərqi lazer ilə şüşəyə qazınmış "rb" loqosundan, kodlardan və s şeylərdən anlamaq asan idi, amma indi elə fake ray-ban'lar var ki, heç illərin optikaçısı belə ayırd edə bilmir hansı originaldı, hansı fake. Yuxarıda bir yazar hər gələnin gözündə ray-ban olduğunu deyib, ancaq demək olar 90%-i fake ray-ban'dır. Odur ki, rəsmi satış nöqtələrindən almaq lazımdır. Bakıda occi və 28 mall'dakı sunglasshut mağazalarını məsləhət görürəm. Əsas da sunglasshut. Çünki ray-ban şirkəti luxottica'nın tərkibindədir və sunglasshut da luxottica qrupun məhsullarını satan ən əsas mağazadır. Türkiyədən alınacaqsa, atasun optik və elə ordakı sunglasshut məsləhətdir. Amma məncə, ən yaxşısı ya amazon'da rəsmi ray-ban mağazından və ya elə sırf ray-ban'ın öz saytından almaq ən yaxşıdır. 10-15 gün gözlə, amma ən azından için rahat olsun ki, tamamilə original, keyfiyyətli və ömürlük bir eynək almış olacaqsan. Həm də ki, öz saytında digər yerlərdə olmayan hər cürə "option"ları görmək mümkündür. İstədiyin kimi çərçivə, şüşə rəngini, polarizə olub-olmamasını, hətta üzərinə lazerlə söz yazılmasını belə seçmək olur. Şəxsi zövqümcə elə ən yaxşısı, wayfarer modelini almaqdır. 70 illik klassikləşmiş dizayn elədir ki, hər tip üz quruluşuna, hətta eynək yaraşmayan insanlara belə yaraşır. Əslində, wayfarer özü öz içərisində "classic/ ease/ new/ folding/ mega" olaraq 5 tipə bölünür. Entri yetəri qədər uzun olduğundan model fərqlərinə girib daha da uzatmaq istəmədim. 2 ay elə didik-didik araşdırma elədim ki, bildiyin satış mütəxəssisinə çevrilmişəm :d. Odur ki, almaq fikrinə düşən olsa, heç çəkinmədən mesaj qutumu yaşıllandıra bilər, əlimdən gələn hər köməyi edə bilərəm.

1984-85 serie a sezonu | idman

Serie a tarixinin ən gözlənilməz sonla başa çatan sezonu. Ümumiyyətlə bu sezon bir çoxlarına görə "serie a-nın serie a olduğu illər" ifadəsinin ilk ilidir. Amma real yanaşsaq 1982-83 sezonundan, yəni Michel Platininin Yuventusa transferindən sonra hər şey möhtəşəm olmağa başlayır. Zatən Yuventusda Gaetano Scirea, Antonio cabrini, Marco Tardelli, ən yaxşı çempion ola bilməyən komanda olan 1982 Braziliyasını ağlar qoyan Paolo Rossi və gəlmiş keçmiş ən yaxşı qapıçılar siyahısında mənə görə ilk 3-lükdə olan Dino Zoff da var idi. Platini gələndən sonra olur konfet.
Amma gələk bu sezona. Əsas Komandaların vəziyyətini ayrı-ayrı yazmağa çalışacam.
Yuventus keçən sezonu çempion olaraq bitirmiş və ümumilikdə 21 çempionluğa çatmışdı. Yayda lazionun super ulduzu Bruno giordano ilə razılığa gəlsələr də, bruno sonradan astronomik maaş tələb edir və iş pozulur. Zatən bu sezon lazio da serie b-yə düşür. Bruno da növbəti sezon Napoliyə keçir. Amma bu sezon yuventusun işləri yaxşı getmir və ilk 5-likdən kənarda qalırlar. Buna baxmayaraq komandanın ulduzu olan və 1984-də Fransa ilə Avropa çempionu olmuş Platini 18 qolla sezonun bombardiri olur. Serie a-dan əli üzülən Yuventus fikrini çempionlar liqasının keçmiş adı olan Çempion klublar kuboku turnirinə verir. Heysel faciəsinin baş verdiyi finalda məhz Platininin penaltisi nəticəsində Liverpool üzərində qələbə ilə Avropanın böyüyü olurlar.
Sezonun Daha bir önəmli hadisəsi isə tarixin ən yaxşı oyunçusunun Barcelonadan Napoliyə transfer olunması idi. Bəziləri Maradonanın Barcelonada istəniləni vermədiyini düşünərək onun kaprizli olduğunu bildirir. Amma Barcelona - Maradona məsələsi tamam başqa söhbət mövzusudur. Çoxları Napolinin çempion olmağını gözləsələr də bu 3 il sonra baş verir. Komandanın ən yaxşısı Maradona olsa da təkbaşına Napolini çempion etməsi imkansız idi. Ətrafında yaxşı oyunçular yığılandan sonra o, tarix boyu şimallılar tərəfindən lağ edilən və ələ salınan Neapolu 2 dəfə İtaliyanın böyüyü etməyi bacarır.
Fiorentina isə 82 Braziliyasının əfsanə kapitanı və karyerasında sadəcə 1 sezon Avropada oynayan Socratesi transfer edir. Amma matçlarda istəniləni verə bilmir, məşq üsullarını bəyənmir, həddindən artıq siqaret çəkir və içki içir, məşqçilərlə dalaşır və sezon sonunda Braziliyaya qayıdır.
Roma 1982-83 sezonunu çempion bitirəndən sonra 1984 Çkk turnirində liverpoola penaltilər seriyası nəticəsində məğlub olur. Romanın əsas ulduzlarından biri yenə 82 Braziliyasının oyunçusu olan Falcao idi. Onun çkk finalında penaltini vurmaqdan imtina etməsi, sol dizindən zədələnməsi, komandanın onun üçün həddən artıq pul xərcləməsi Falcaonun da sezon sonunda Braziliyaya qayıtması ilə nəticələnir.
Demək olar ki, sezonun ən yaxşı heyətlərindən birinə sahib olan İnter isə o qədər yaxşı nəticələr əldə etmir və sonda 3-cü olur. Milan da eynilə qənaətbəxş çıxış etmir və sezonu 5-ci bitirir.
Gələk Çempion Hellas Veronaya. Bu hadisəni yalnız 2016-cı ildəki Leicester city çempionluğu ilə müqayisə eləmək olar. Belə nağıllar məncə bir də olmayacaq. Zatən Veronanın ilk və tək çempionluğudu. Bu "balaca" klubun çempionluğunda əsas rollar yayda transfer edilən alman Hans Peter briegel və danimarkalı preben elkjaer ilə birlikdə oyunun sistemini onların üzərinə quran baş məşqçi osvaldo Bagnoli olur. Qapıda da garella əfsanələr yaradır, amma sezon sonunda çempion olmaq üçün sağa sola pul xərcləyən (təbii ki, bunda siciliya mafiyasının da rolu böyükdür) Napoliyə keçir. Komandanın əsas qol maşını guiseppe Galderisi olur və ümumilikdə 11 qol vurur. Hellas verona ilk turda maradonalı Napolini 3-1 məğlub edir. Yuventusu ilk dövrədə 2-0, Romanı isə 1-0 la keçirlər. 2ci dövrədə isə hər ikisi ilə heç-heçə edirlər. İnter və milanla isə hər iki dövrədə matçlar heç-heçə bitir. Verona sezon boyunca sadəcə 2 dəfə məğlub olur. 15-ci turda avellinoya 2-1, 25-ci turda Torinoya 1-2. Ki Torino da bu sezonu əla keçirib sonda 2-ci olur. Ümumilikdə verona 30 oyuna (15 qələbə, 13 heç-heçə və 2 məğlubiyyət) 43 xal toplayır. 29 tur lider olurlar. Sadəcə 16-cı turda İnter 1 həftəlik lider olur. O dərəcədə əzmkar oynayırlar. Coppa Italiada isə 4/1-də İnterə uduzurlar. İnter yarımfinalda Milana, milan isə finalda Sampdoriaya məğlub olur.
Bir haşiyəyə də çıxmasam olmaz. Serie a tarixində məhz bu sezon bir ilk gerçəkləşir və bu sezondan sonra bir daha bunu etmirlər. Bura kimi hansı hakimin hansı oyunu idarə edəcəyi 3-5 gün qabaqcadan müəyyən olunurdu. Amma bu mövsüm məhz oyun günü püşk ilə hakimlər təyin edilir. Və Hellas verona çempion olur. Və bir daha bu üsul təkrarlanmır. Və verona kimi "balaca" komandalar bir daha çempion ola bilmir. İf you know, you know.
Son olaraq fantastik mövsümün ilk 5-liyi və bəzi səhnələr:

28 may 1997 b.dortmund - yuventus matçı | idman

tissot prx | texnologiya

ray ban | sağlamlıq

1984-85 serie a sezonu | idman

lost highway ★ wiki | kino

Film haqqında məlumatları yazmazdan əvvəl diyim ki, bu film, film deyil başqa şeydi, yəni rejissorunun David Lynch olmağı hərşeyi aydınladır.filmi "beyin yorucu filmlər" kateqoruyasına daxil elədim. 2 dəfə ard-arda izlədim bunu, ama yenə də mənə çatmıyan məqamlar oldu, beynimi yidi bu film. əgər "Memento" izləyib də marağlı hesab edmisinizsə bilin ki bu film onnan 2 qat ağır və anlaşılması çətin olan filmdi. Hətta Robert Blake (mystery man obrazını canlandırır) Lynch'a ssenari haqqında heç bir problem çıxartmayacağını ; çünkü filmnən heç bir pox anlamadığını söyləmişdi.

Film haqqında analizləri, rəyləri araşdırdım və nəhayət filmin sikişini tutdum. Hələ arada Lynchı pisliyənlər də vardı bax onda adama girir, əə filmi bəyənməmisənsə öz işindi, çünki beynini yormamısan, "gedim çay içim gəlim"nən film izlənilmir, day nə diyirsən ki "bir köpüylüy film deyil."
gələy filmə :
film 1997-ci ilcə çəkilib və david lynchın ən qarışığ(düşündürən) filmi sayılır, hərçənd ki rejissorun "mulholland dr." (2001) filmi də qarışıığ filmlərdən sayılır. beynini yormağ istəməyən izləməsin yəni.

david lynch bir reportajında
"psyhcogenic fugue" sözünü işlədib ki bu da hal-hazırda "dissociative fugue" xəstəliyinin keçmiş adıdı - şiddətli bir travma sonrası xəstə müvəqqəti olarağ, özünü bambaşqa birisi kimi qəbul elyir. bu yeni şəxsiyyətə qırağdan baxanda heç bilinmir ki xəstədi, yəni özünü normal aparır. bu xəstəliy isə Fred Madisonu başqa birinə - pete dayton'a çevirir və film artığ fredin beynini içində gedir.
filmin annotasiyasında artığ "David Bowie - "I'm deranged" soundtracktı ilə tanış oluruğ
Fred bigün səhər oyanır və məlumat səsləndiricidə "Dick Laurent is dead" xəbərini eşidər və film, bu ilk cümlənin üsdündə qurulur. sonrakı günlərdə isə qapısının ağzında videokasetlər tapıllar, 1-ci kasetdə evinin xaricdən görünüşü, 2-ci kasetdə otağlarını və 3-cüdə isə arvadını öldürməsi kadrı yerləşdirilib
- hələ ki

- 1ci kasetdən başlıyağ. bir də filmə individuallaşdıran məqam fredlə arvadının-renee'nin dialoqlarıdı, çox melanxolik tərzdə aram-aram sakit şəkildə danışmasıdı. Xəstəliy səsəbilə fred arvadının ona xəyanət etməsi paranoyasına qapılır. hələ bir dəfə də arvadıynan təpişəndə onu qayıra bilmir və arvadı "sorun değil" deyir bu da gedəyə pis girir və paranoyası pik nöqtəyə çıxır. Hətda bu şəkildə qısqanclığ duyğysu ona necə işdiyibsə arvadının sifətində "mystery man" obrazını görür : bax
- 2ci kasetdən sonra reene də fred də təkərə düşüllər və dedektiv çağırıllar və dedektivlər gələndə fred otağındakı "məlumat səsləndirici"nin qabağında durur ki dedektivlər görməsin, bax bu hərəkəti - Fredin nəyisə gizlətməyə çalışması film boyu beynimi yiyirdi. Sonrasında bu səhnəsini izləməyçün kadrı təkrar-təkrar geri almışdım. (baxma: filmdə oturan sözlər) :
- Do you own a video camera?
- No fred hates them
- I like to remember things my own way
- What do you mean by that?
- How ı remembered them not necessarily the way they happened (benim yaşadıklarımın yaşandığı gibi olması gerekmez).

Fredin arvadı əl-üznü yuyur, sora fredi çağırır yanına ama fred hay vermir, birdən rejossor bizə zaldakı kölgəni göztərir ki, fred ordan keçir ama kölgədə iki nəfərin yeridiyini görürəm, bu da bir sual yaradır.
Bu iş ciddiə getdiydə artığ arvadını öldürür ama onu öldürdüyünü xatırlamır. Hərçənd arvadını öldürməsini biz 3cü videokaseti izləyərkən görürük.
Fred bu qətl üzünnən kriminalni kruqa düşür və ona "elektrikli stul" cəzası - ölüm hökümü verillər, baxın işlətdiyim bu cümlə də filmin 2ci ən dərin cümləsidi (sonu ilə əlaqədar). Türməyə düşənnən son Fredin güclü baş ağrıları olur və bir gün fred pete dayton'a çevrilir, pete-i sərbəst buraxallar və bunnan sora izlədiycə "sikdirə bu nə filmdi, gopuymuş ki, belə şey olar ala" deməyi gəlir adamın, çünki 1dəfə izləyib tutmağ olmaz filmi. Bunnan sonra Ailce peyda olur ki bu rolu da yenə Patricia Arquette oynuyur. Əslində filmdə adama girən odu ki bir nəfər iki fərqli obrazı oynasın, elə bunlardan biri patricia olduğu halda digərisə Robert Loggia (mr. Eddy / Dick Laurent idi). Deməli filmin 91ci dəyqəsində Alica Pete-nən təpişəndə gedəyə bir söz deyir hansı ki o sözü daha əvvəl Reene Fredə dimişdi. "mənə bir iş təklifi etmişdi" cümləsi fərqli obrazlarda 2 dəfə işlənilir. filmdə bomba bir soundtrack gedir özü də ki Laurent qızın soyunmasını təkid edəndə (I put a spell on you - Marilyn Manson). Alice soyununanda və o müqəddəs döşlər görünəndə filmin dadı damağa gəlir. Deməli bu Reene sifətli Alicanın Pete-nən də əlaqələri olur və birlikdə planlaşdırılmış şəkildiə Andy-ni öldürürlər dialoq isə belə gedir :
- ailca, biz onu öldürdük
- yox, pete, onu sən öldürdün.
bax bu cümlə əslində Pete-i göt durumuna salır və beynindəki gedən təsəvvürlərdən uzağlaşması gərəkdiyi siqnalını ötürür. Pete Andy-nin evində olanda bir şəkil görür ki o şəkil də budu
halbuki şəkildə gördüyü bu iki bacişka dedektivlər tərəfinnən görünmür (1 nəfər görünür) : bax
Bunlar bu evdən çıxannan sonra Alicanın planlaşdırdığı bir düzənlikdəki evə gedillər, orada bir nəfəri tapmalıydılar ama yoxuydu, neyniyəy neyniyəy bikar qalmasınlar deyə yenidən təpişillər, burda ikinci dəfə Pete-in içində qoyur Alice :
- mən səni isdiyirəm, Alice
- sən əsla mənə sahib olmayacağsan !
Bu səhnədən sonra sifətinə işədiyim Mystery Man ekrana gəlir və Pete-ə belə deyir : Alice adlı biri yoxdu, o sənin də tanıdığın Reneedi. bəs sən kimsən ?
Bu sözü eşidən kimi Pete (əslində Fred də deyə bilərik ama hadisələr Pete tərəfinnən yaşanıldığına görə biz hələ də Fredin beyninin içində gedənlərdən danışırığ) qoyur belinə, qaçmağa çalışır. Bunnan sonra Fred gedib Dick Laurenti tutur və öldürür. bu səhnə də marağlı idi belə ki kimsəsiz yerdə gedən davada kimsə Fredin əlinə bıçağ verir ki laurenti yortsun, belə də olur
Nəysə gedəy mətləbə, sonra Pete yenidən Fredə çevrilir və öz evinə gedib bu mesajı buraxır : "Dick Laurent is dead". bu səhnəni filmin başlanğıcında eşitmişdiy, bu məqamda polislər Fredin dalınca düşüllər (hava tam qaralmır), Fred maşınnan qonkaya çıxır, elə bu yerdə (artığ gecə düşüb) Fred çox qəribə situasiyaynan qarşı-qarşıya qalır : bax , sən dimə burdakı sikişin də bir anlamı varıymış :
Havanın birdən qaralması - Fredin başına torbanın keçirilməsi deeyə düşünsəy, bu şəkildəki titrəmə də fredə elektrik stolunda tokun verilməsi və sonda Fredin ölməsi deməydi


--spoiler--

1.Mystery Man - burda fredin xəyalında canlandırdığı şeytani varlığdı və qisas almağçün yaradılıb
2.Andy - burda Renee'nin Laurentlə tanış olmasında rolu böyüydü, məhz buna görə də Fred Andy'ni öldürür (təbii ki öz xəyalında gedir bütün bu proseslər)
3.Filmin başlığında və sonunda gedən David Bowie - "Im Deranged" music'inin sözləri də fredin durumu ilə uyğunlaşır.
4.Filmin 00.31.43 dəqiqəsində partidə bir sarışın gedə görünür ki, həmin adamı da Pete ilə Dick Laurenin yarışdığı maşının sürücü olarağ xatırladır, mənası da odu ki bütün bu başverənlər Fredin beyninin içində gedir (yəni rejissor təkrar görünən aktyorları yenidən filmə qaytarır, arxa plana çəkir)
5.Məşhur film tənqidçiləri Siskel və Ebert filmi "Lynch, boyuvu yerə soxum"la dəyərləndirmişdi
6. Smashing Pumpkins, Nine Inch Nails, Marilyn Manson və Rammstein kimi rock / metal qrupların soundtracklarıynan boldu film
7.Bu film Richard Pryor'ın və Jack Nance'in çəkildiyini son filmidi.
8.Robert Blake'in son filmi olarağ bilinir, hərçənd ki kişinin 80 yaşı var.
9.Marilyn Manson və Twiggy Ramirez filmdə rol alıblar (pornstar 1 and pornstar2)

10.Fred Madison'un evi David Lych tərəfindən dizayn edilmiş və öz evinə bənzədilmişdir.
11.Fred Madison'un nömrəsinin sonu '666' ilə bitir.
12.Robert Blake filmdə "Mystery Man" obrazını yaratmağına baxmıyarağ Lynch'ə filmnən heç bir pox anlamadığını söyləmişdi
13.Mystery Man (Blake) film boyunca bir dəfə də olsun gözünü qrıpmıyıb.
14.Dedektivin daşşağları fikrimi yayındırırdı burda
15.Filmin replikası burda deyilir, polislər Pete'i güdüllər. Peete də içəridə Alica'ynan təpişir :

--spoiler--

red hot chili peppers | musiqi

kodak

1986 klivlend şar festivalı | tarix

(youtube: )

i̇qbal bano | musiqi

the headington shark ★ wiki | incəsənət

ingiltərənin oxford şəhərindəki ikonik və məftunedici heykəl
(baxma: ən yaxşı ev aksesuarı)
ingilis heykəltəraş John Buckley tərəfindən, Bill Heine`in sifariş ilə bu ekstravaqant əsər 9 avqust 1986-cı ildə Headington, Oxford ünvanındakı evinin üzərinə yerləşdirildi. verdiyi müsahibədə Heine dedi ki, "heykəl Amerikanın Liviyanı bombalamasına və nüvə silahlarına etiraz olaraq nəzərdə tutulub". heykəli ABŞ-ın Yaponiyaya atom bombasını atdığı gün* 6 avqust ün 41-ci ilində quraşdırmışdılar.

oxford şəhər icra hakimiyyəti heykəli çıxarmaq üçün illər sərf etsə də, mübahisə məhkəmə qarşısında sona çatdı və heykəlin qala biləcəyi qərarı verildi. bir baxıma, əslində, akula bürokratiyanı xəyal gücü və əsnəklik göstərməyə ilhamlandırmışdı.
Bill Heine lisenziyası olan oğlan kimi akulası ilə fotoşəkili

2016-cı ildə oğlu Magnus atasının tapşırığı ilə köpək balığını saxlamaq üçün bloku bütünlüklə aldı. mülk 2018-ci ildən airbnb qonaq evi kimi fəaliyyət göstərir.

- incəsənətin ən gözəl tərəfi onu dinləyən, oxuyan və ya baxan hər kəsin fərqli görüşlərə sahib olmasıdır. mənə bunu maraqlı edən, komediyanın arxasında yatan tragediyadır. təsəvvürünüzə gətirin, bu adam binanın üzərinə bir başa atom bombasını anımsadan heykəl düzəltsə idi, çox az adam bunu ağlabatan qarşılıyacaqdı, amma damı parçalayan akula?! bizi bir damın üzərinə bomba düşməsi, akula düşməsi qədər maraqlandırmır.

davide moscardelli | idman